لو=هتبدا تعمل بيزنس خاص بيك او = لو حتي البيزنس بتاعك قائم و وعايز تعرف ايه اللي محتاج تحافظ عليه و ايه الحاجه اللي عملالك مشاكل في شركتك وتحط ايدك عليها .. الفرص اللي ممكن تستغلها و التهديدات اللي ممكن تخبط علي باب شركتك = لو مديرك طلب منك marketing strategy ومطلوب منك تعملها باحترافيه يبقي هتحتاج ال SWOT Analysis اولا هنشرحه بطريقه سهله جدا تقدر تطبقها بسهوله بالاضافه هنعرفك بعض الأخطاء عشان ماتقعش فيها و تخليك تاخد قرارات غير صحيحه باختصار هو Current situational analysis
يعني تحليل لوضوع شركتك او مؤسستك الحالي (وليس) فالمستقبل .
محتاج انك تكون ملم بكل إدارات الشركه بتعتك و ظروف شركتك بالكامل ولو انت مش ملم لازم تطلب من بقيه الادارات تتعاون معاك و تعمل SWOT Analysis و تحلل و تشوف ايه المنطقي وايه اللي غير منطقي ومطابق لشركتك مهم جدا ترتيبهم يبقي زي ما قدامك بالجدول اللي فالصوره و هعرفك ليه !! ها ليه ؟ هقولك بص ياسيدي شايف ال strength و ال weakness او اقسم الجدول افقي في مربعين فوق و مربعين تحت المربعين اللي فوق يخصوا كل ما هو داخل الشركه .. المربعين اللي تحت يخصوا كل ماهو خارج الشركه حلو كده 👍 كمان اعمل خط راسي عندك مربعين علي اليمين و مربعين علي الشمال .. اللي علي اليمين الحاجات ال negative .. المربعين اللي علي الشمال الحاجات ال positive
طيب يالا بينا نبدأ اول حاجه هي ال Strength - S .
بتقعد كده تشوف انت مميز في ايه و ايه اللي مخلي شركتك لسه واقفه علي رجلها ، بت grow بشكل قوي طيب ليه ، الناس مهتمه بمنتجك و بتسوقله من نفسها بقا عندها loyality عالي جدا ليك بردوا ليه ... الخ يعني شوف ايه نقاط القوه اللي عندك و اعرف ايه سببها عشان تبقي فاهم كل حاجه ايه سببها بالظبط و ده اللي بنسميه ال Root Cause Analysis ودا هنتكلم عنه باستفاضه المره الجايه ان شاء الله بس خليك عارف انك بتدخل بيه جوه أحشاء المشكله او الحاجه اللي قدامك. =الحاجه التانيه
تاني حاجه هي ال weakness - W .
الضعف او ممكن تقول المرض اللي بياكل في شركتك دا بقا بتحلل وتشوف منه ايه هي كل نقاط الضعف اللي عندك بس خد بالك من حاجه مهمه انا عايز اعرف ال Issue نفسها مش عايزك تقولي ال symptoms و تفتكر انها هي دي المشكله ! لا ثواني بس عشان مش فاهم ؟؟ يعني ايه المشكله نفسها مش العرض ايه الكلام الكبير ده ؟! تعالي افهمك.. ابني النهارده اتفصل من المدرسه ؟ هل دي مشكله ولا عرض ؟؟ اعتقد انه عرض ! مظبوووط هو عرض لمشكله واللي اول ما ابني يقولي او المدرسه تبلغني هسال علي طول لييييه؟؟؟ فالرد لانه ضرب واحد زميله.. ضربه ليه؟ .. عشان شتمه .. طب شتمه ليه ؟ لان ابنك قعد يضحك زملاته عليه بالولد التاني اضايق راح شتم ابنك .. فابنك ضربه فهمت؟ اه فهمت كده طيب انت ايه مشكلتك ببيع بس مفيش عندي سيوله؟ طيب عدم وجود السيوله هو المشكله ولا عرض للمشكله؟ المشكله ! لا طبعا دا عرض المشكله اللي هي هعرفها منك لما اسالك ليه ؟ لان ببيع اجل ومفيش فريق تحصيل ؟ ( هي دي المشكله) كده فهمتك 👍❤️ فضروريجدا تبقي عارف ايه هي المشكله ( المرض) اللي بيوقع شركتك ولازم تعالجه.
الحاجه التالته هي ال opportunities - O .
الفرص اللي شركتك ممكن تستغلها بشكل قوي فينافس و تتحول لنقطه قوه عنده يعني مثلا انت مصنع ملابس و نزل قرار بمنع استيراد الملابس من الخارج فدي تعتبر فرصه ممتازه ليك انك تقدر تسوق لنفسك و تنزل بخامات مماثله او تفوق المستورد بسعر مناسب .. الكورونا موجوده فالشباب بدأوا يفكروا من نفسهم .. فكروا ياخدوا كورسات .. يبقي احنا كمكان بيدي كورسات اصبح عندي فرصه اسوق لنفسي اون لاين اكتر واعمل براندنج لنفسي اكتر .
طيب ايه بقا رابع حاجه Threats- T .
في تهديدات بدأت تتكون حوالين شركتك يا تري عارفها ولا غافل عنها ممكن مثلا صيدليه من منافس قوي فتحت فرع جنبك .. دا يعتبر تهديد ليك طيب تعويم الجنيه او الدولار رفع فالماتريل اللي بتجيبها هتغلي وهكذا .. الخ تمام الله يفتح عليك بس لسه عندي سؤال ؟ اتفضل ازاي اعرف الحاجات دي تخص شركتي ولا لا !! بص انت هتفترض اني شركتك اختفت وتشوف هل المشكله لسه موجوده ولا لا !! لو المشكله اختفت باختفاء شركتك دا معناه اني المشكله جوه شركتك 🤔 طيب لو المشكله فضلت موجوده معناه اني المشكله خارج شركتك 👍
كده تماااام اوي الله ينور عليك طيب يالا قوم دلوقت و ابدا انت لسه المعلومه فريش فدماغك اعمل شير وقولنا رايك في كومنت عشان غيرك كمان يستفيد ولو احتجت ال template للSWOT Analysis سيب لنا كومنت وهنبعتهولك في الحال ✅
مع تحياتي محمد مجدي اخصائي التسويق مدير تسويق بقطاع التدريب اخصائي التسويق لشركات في السعودية ومصر والإمارات والكويت رقم التليفون 01010518543
تعليقات
إرسال تعليق