ال software testing من البداية للاحتراف:
⬅️- أول حاجه الـsoftware testing ده معناه بالعربي اختبارات البرمجيات، ودي مجموعة من الاختبارات اللي بتتعمل للمواقع الالكترونية وتطبيقات الموبايل عشان نتأكد انها شغالة زي ما العميل اللي طلب يعمل الموقع او التطبيق عايز.
⬅️- في الطبيعي متطلبات العميل دي بتروح لشخص بيعرف برمجة (developer) بيكتب أكواد، الأكواد دي لما بتحطها مع بعض بتتطلع الموقع زي ما انت بتشوفه.
⬅️- أي (developer) بيبقي في شخص قارفه في حياته اسمه (tester) 😂😂 بيجي يختبر شغله ويطلع له الأخطاء اللي فيه عشان يصلحها، الأخطاء دي اسمها (bugs/defects/issues)
⬅️- شغلانة التستر دي بقت مهمة جدا بسبب انتشار المواقع والتطبيقات في حياتنا، يعني انت دلوقتي بتطلب الأكل ديلفري..بتشتري هدوم..بتبيع حاجات..بتقدم لشركات..بتشقط 😍..بتعرف أحوال الطريق بمواقع أو تطبيقات موبايل.
⬅️- التستنج او اختبارات البرمجيات دي بتتعمل بطريقتين، الطريقة الأولي "يدوية" او manual وده معناها ان التستر بيبني حالات اختبار او test cases وبيجربها بايده عادي او بيعمل كل السيناريوهات اللي هيعملها مستخدم الموقع الحقيقي.
⬅️- النوع التاني وهو نوع متقدم، وفي التستر بيكتب سكريبتات بلغات برمجة لحالات الاختبار دي عشان يقدر يعمل تست اوتوماتيك.
⬅️- البرمجة بتاعة التستج سهلة.
⬅️- عشان تتعلم التستنج المانويال انت محتاح انك تذاكر الآتي:
1- كورس ISTQB وده مدته 4 ايام وبتتعلم فيه الاساسيات النظرية بتاعة التستج
2- لما بتخلص الكورس في امتحان بتعمله ب 900 جنيه تبع مكان اسمه ESTB
3- لما بتخلص الكورس بتتعلم tools ودي تقدر تقول المكان اللي بنحط عليه كل الشغل زي ال test cases/ bugs/ requirements
4- اشهر ال tools :
HP ALM & JIRA
5- لما بتخلص الtools بتتعلم ازاي تكتب test cases / bugs
6- لما تخلص الكلام ده اللي هياخد منك من شهر لتلت شهور علي حسب المدة اللي بتذاكرها وبعدها بتبتدي تشتغل في مواقع فري لانس او شغل حر عن بعد عشان تبتدي تجمع خبرة تساعدك تقدم في شركات، والشغل ده بيكون مدفوع الأجر
7- لما بتكتسب خبرة يفضل انك تبتدي تتعلم automation testing وقبل ده بتتعلم اساسيات البرمجة، الكورس ده بيحتاج من تلاته لعشر أيام.
- البرمجة بتاعة التستنج سهلة.😃
⬅️⬅️- أهم مهارة تخليك تقدر تتعلم الكلام اللي فوق ده، هو مهارة البحث في جوجل عن المعلومات اللي انت مش عارفها.
⬅️-البوست مافيهوش مصدر لكورس اوتوميشن بالعربي، فببساطه اكتب في جوجل "automation بالعربي" هيطلع
لك نتايج كتير.
مصادر:
⬅️- قناة لكورسات التستج بالعربي:
https://www.youtube.com/channel/UCHrjdPXQNt1B3BA13XfL_nw
⬅️- قناة لكورسات التستنج بالانجليزي:
https://www.youtube.com/user/guru99com
تعليقات
إرسال تعليق