العمل الحر (الفريلانس) free lance
------------------------
قبل ما تفكر انك تشتغل حر او متشتغلش لازم تعرف يعني ايه فري لانس ناس كتير متخيلة ان الفريلانس فحد ذاته شغلانة ودا مش صحيح الفريلانس ما هو الا طريقة الشغل بمعنى
انا بشتغل تسويق الكتروني ممكن اشتغله فل تايم في شركة وممكن اشتغله حر فريلانس
انا بشتغل جرافيك ديزاين ممكن اشتغله فل تايم في شركة وممكن اشتغل فريلانس
ولازم نفرق بين الفريلانس اللي هو غير مرتبط بمواعيد ولا توقيتات وبين البارت تايم اللي بيبقى له مواعيد ثابتة زي الفل تايم بس بعدد ساعات وايام اقل.
ايه هي المجالات المتاح العمل فيها كا فريلانس ؟
------------------------------------------------
موقع مستقل من اجمل المواقع العربية اللي ممكن تاخد فكرة عن العمل الحر منها هو منصة ما بين الناس اللي بتشتغل حر وفريلانس وبين أصحاب المشاريع اللي بيحتاجوا ناس تشتغل فريلانس
ممكن يكون شغلك كا فري لانس في واحد من المجالات التاية
- الخدمات والاستشارات الإدارية.
- التسويق والتسويق الالكتروني.
- تسويق بالعمولة.
- تصاميم الجرافيك.
- فيديوهات الموشن والانيميشن.
- البرمجة برامج ومواقع الكترونية.
- تصميم المواقع الالكترونية.
- كتابة وترجمة.
كل دي مجالات ممكن تشتغل فيها فري لانس لو انت شايف ان في مجال مناسب لك ممكن تبحث عن كورسات فيه وتتعلمه وتبدأ تاخد خطوة انك تشتغل فيه. بالمناسبة المجالات دي زي ما ينفع تشتغلها كا فريلانس بعضها كمان ممكن تشتغله من البيت.
باختصار الشغل الحر حلو لكن محتاج شوية حاجات علشان تقدر تستبدله بالشغل الدائم الـ full-time
1- لازم يكون لك انجازاتك والبورتفوليو الخاص بك اللي بتكبره كل فترة علشان الناس تقدر تثق فيك وفي شغلك. العمل الحر بيعتمد على الإنجازات اكتر منه على سنين الخبرة.
2- المهارات لازم تكون متعدد المهارات وبتقرأ كتير لانك لو مش قوي كمهارات وقراية للمستجدات غيرك هيسبقك بسنين ضوئية وهتلاقي نفسك متأخر جدا جدا عن اللي حواليك.
3- مفيش حاجة اسمها انت فريلانس ومش عارف سعر الساعة شغل بتاعتك بكم لازم تحدد سعر الساعة اللي بتشتغلها بناء على جودة شغلك وبناء على سعر السوق.
4- ادواتك ودي مهمة جدا ممكن تكون أدوات تسويق الكتروني لنفسك وشغلك زي حساباتك على السوشال ميديا زي الموقع الالكتروني بتاعك وهكذا الأدوات دي لازم تكبرها وتستثمر فيها.
5- اصرف على تعليمك اصرف على استثمارك في عملك الحر وادواتك علشان كل ما صرفت صح شغلك هيكبر ويزيد.2
6- علاقاتك ثم علاقاتك ثم علاقاتك. صعب تبني تيم ف الأول لكن الاسهل يكون لك علاقات مع فريلانسرز تانيين في مجالات مختلفة مثلا انا في مجال التسويق الالكتروني بحتاج ناس فمجال الجرافيك ديزاين بحتاج ناس فمجال الكتابة وهكذا فا اوعى تهمل في بناء وتقوية علاقاتك.
ادعوكم لحضور ايفنت لكل العاملين والمهتمين بمجال ال free lancing
Link
تعليقات
إرسال تعليق