يعني ايه علاقات العامة .. ؟
جربت تسأل السؤال ده .. بحثت في الموضوع ده قبل كدة !
بس أكيد سمعت المصطلح ده قبل كدة احنا قررنا نقولكم ونفهمكم يعني ايه علاقات العامة ، بس سجلوا عندكم بقا و ركزوا اووي معانا علشان نتعلم كلنا مع بعض <3
العلاقات العامه هي :
اتصال بين جمهور الشركه الخارجي وجمهور الشركه الداخلي وتهدف إلى تحقيق التوافق بين المؤسسة وجمهورها بهدف بناء صورة ذهنية إيجابية عن المؤسسة .. وهيّ توجيه الرأي العام نحو منتج الشركه من خلال مشاريع إلكترونية أو غير إلكترونية ..
إذن العلاقات العامة ببساطة شديدة هى المسئولة عن الجهاز ال بيربط المؤسسة بجمهورها الداخلي والخارجي وإدارة جهات الإتصال بين الشركة وجمهورها , يعني هي حلقة الوصل بينهم وكمان هي المسئولة عن بناء السمعة الطيبة للشركة .. وان هي تعمل توجيه للرأي العام للشركه بتاعتي ..
وبرده ممكن نقول ان وظيفة العلاقات العامة انها بتقدم المنظمة او الشركه او المؤسسه للجمهور وبتقدم الجمهور للمنظمة بإستخدام وسائل الإتصال المختلفة
اللي فات ده كان التعريف العلمي لمصطلح ( العلاقات العامة ) , متقلقوش احنا معاكم
طب ايه هي اقسام العلاقات العامه ؟؟
عندنا قسمين :
1- العلاقات العامه الداخليه :
ودا بيعمل علي ( الثقه _ والانتماء _ والأمان ) لالموظفين بتوع الشركه يعني العلاقات العامه الداخليه بتهتم بالتعامل مع جمهور الشركه الداخلي وال هما ( الموظفين ) ومهمه رجل العلاقات العامه هنا انه يوصل رأي الموظفين والعمال للأدراه والعكس , وبيخلق بينهم وسيله اتصال فعاله ..ودا بيكون عن طريق حفظ حقوقهم وتأمينهم ف العقود ال بيمضوها للشركه وعن طريق انه بيحتفل بيهم سواء بأعياد ميلادهم أو اي مناسبات اجتماعيه عموما زي الأعياد وينشر جو المرح مابينهم ويحللهم مشاكلهم ويوصل ارائهم للأداره ..
وزي برده انه ينظملهم رحلات وماتشات كوره ويخلي المديرين يلعبوا مع العمال والموظفين ف يخلق جو من الروووح وحب الشركه والثقه ويخلي في بينهم تواصل ايجابي وفعال .. وزي برده ان لو الاسعار زادت يعليلهم المرتب وزي ان لو الجو وحش سواء حرر او بتمطر يديهم اجازه وهكذا ...
2- العلاقات العامه الخارجيه :
ودا بيعمل علي ( اداره الازمات _ بحوث رأي الجمهور والبحوث عموما والعمل الميداني والتخطيط _ الصحافه والاعلام _ مراسم وبروتوكول _ بناء الصوره الذهنيه _ الاعلانات الاعلاميه _ التعامل مع جمهور الشركه الخارجي سواء الموردين والمستثمرين أو العملاء بتوع الشركه _ والاتصال _ ومن انواع طرق الاتصال الحديثه ال Digtal PR أو ال Online PR )يعني العلاقات العامه الخارجيه بيتعامل مع جمهور الشركه الخارجي والعلاقات العامه الداخلية بيكون تعامله مع جمهور الشركه الداخلي
وطبعا في فرق كبيير اووي بين العلاقات العامه ال في الشركات وفي الكتب وبين العلاقات العامه ال بيتسخدموها في الانشطه الطلابيه !!
ولو عاوز فيديو عن وظيفة العلاقات العامة في الأنشطة الطلابية ابعتلنا علي 00201010518543 واتساب
تعليقات
إرسال تعليق