ركز كدة في الكلام دة . 😍
===========================
1- هتعمل حاجة يبقى فية حاجة فى حياتك هتتغير ، مش هتعمل حاجة هتفضل بطة بلدى زى ما انت حتى لو عندك 60 سنة .
2-مفيش بنى ادم طبيعى وعندو سلام داخلى ومتصالح مع نفسة هينتقدك نقد هدام، يعنى من الاخر هتلاقية حد مش سوى نفسيا "متهدوش اهتمام"
3- هتلاقى الناس اللى حواليك بتقولك " انا نفسى اتغير" " انا بجد زهقت من حياتى" "انا بجد نفسى ابقى ناجح" الغريبة بقى ان هما مش بيعملوا اى حاجة عشان يتغيروا وبيفضلو مستمرين فى حياة البؤس اللى هما فيها "التغيير تمنه صعب جدا"
4- مفيش حاجة اسمها منحة اللغة الانجليزية ومنحة كامبردج وفى نفس الوقت مفيش حاجة اسمها شهادة معتمدة فى الانجليزى الا التوفل والايلتس ودول مجرد امتحان عشان الشهادة يعنى الغاية هيا الشهادة انما فى الشغل " شهادتك هيا كلامك" " متخليش حد يضحك عليك "
5- لما تفتح الفيس بوك حدد اية هدفك بلظبط منوا ، متضيعش عمرك ووقتك على حاجات مش هتفيدك " عمرك هيضيع".
6- عارف انت الراجل اللى فى عيلتك اللى بيقولك ياخلبوص انت خلص جامعتك وشغلك عندى "لما تخلص جامعة ابقى قولى عمل معاك اية "
7- متصارحش الناس بعيوبهم لغاية مايكتشفوها هما بنفسهم .
8- أوعى تعتمد على حد انو هيغير حياتك، ويجيبلك وظيفة احلامك ،متغامرش بمستقبلك " أنت املك الوحيد"
9- دايما افتكر لو عايز تنام هتنام ، لو عايز تذاكر هتذاكر، لو عايز تعمل حاجة هتعملها ، لو عايز نخلق اعذار هتخلق اعذار ، ولو عايز تحقق نتائج هتحقق نتائج .
10- للمرة المليون وفى البيزنس بلذات " أوعى توعد وعد مش هتنفذوا ، متوعدش من البداية "
11- انك تفتح شغلك الخاص دى حاجة سهلة ، انما انك تفضل مخلية شغال دة الجزء الصعب
12- حاول انك تبقى Fluent فى الانجليزى قبل ما تتخرج من الجامعة "صدقنى هيسهل عليك كتير اوى "
13- اتعلم من الدرس او الموقف اللى بيحصل فى حياتك عشان صدقنى لو متعلمتش من الدرس دة، الدرس اللى بعدة هيبقى أرخم واصعب بكتير.
14- مفيش تعريف محدد للنجاح ، هتلاقية مختلف من شخص لشخص، حاول انك تحط مفهومك الخاص وعيش حياتك من خلال المفهوم دة "سيبك من التعريف اللى المجتمع حاطه
15-اللى مش بيتقدم بيموت ، عشان كدة هتلاقى حواليك ناس ميتة كتير .
16-انت مش محتاج تثبت أى حاجة للناس ! التحدى الحقيقى انك تثبت لنفسك وتقنعها.
تعليقات
إرسال تعليق