أهمية خطة التسويق في عام 2021

لأ مش الـ Engagement ده، احنا عارفين إن كلكوا عايزين ترتبطوا بسبب الدخول مفاجئ  بتاع الشتاء ده، 

احنا قصدنا الـ Engagement بتاع السوشال ميديا. 

ومش معني إن الشتاء دخل تأنتخ ، لا يا فندم احنا ورانا Engagement بنجري عليها، وعشان كدا هنقولك على 5 خطوات لـ تفاعل قوي على السوشال ميديا😃: 

1- Planning 

أول خطوة عشان تعمل تفاعل قوي على السوشيال ميديا هي إنك تحدد أهدافك أصلًا من التواجد على الميديا؟ 

هل عاوز تبيع منتجك ولا تبني براندنج ولا عاوز Reach و Engagement . بناء على تخطيطك هتقدر تتحرك . لأن ده كمان هيخليك تحدد هتنشر على انهي Platform لأنك زي ما إنت عارف والأخ اللي وراء عارف وكلنا عارفين،  كل Platform  بتحقق أهداف معينة وليها ميكانيزم مختلفة عن التانية.

حطيت البلان وعرفت عاوز إيه وطبقت البلان بتاعتك نطير للخطوة التانية...

2- Listening 

(العملاء دائمًا بيحبوا اللي يسمع ليهم) حط دي حلقة في ودنك ودايمًا اسمع العملاء بتوعك، تابع أرائهم عنك على السوشيال ميديا. وعشان نساعدك إن سمعك يبقي كويس بنرشحلك الـ 3 Tools دول :

Brandwatch

Mentions 

Awairo 

لو سمعت العملاء بتوعك كويس دا هيساعدك اوي في الخطوة التالته وهي...

3- Communication

إنت بتتعامل مع بشر مش روبوتات مش معقول خالص بعد ما حطيت البلان بتاعتك وسمعتهم كويس إنك متتفاعلش معاهم، تفاعل مع العملاء دايمًا، افرح لفرحهم وراعي حزنهم. ده هيخليهم دايمًا مستنين أي حاجه تنزلها ويتفاعلوا معاك - ماهي الحياة خد وهات برضوا مش خد بس😋 - 

وعشان الحلو لازم يكمل اوعى تنسى تعمل Measuring 

4- Measuring 

لازم تقيس تفاعل العملاء معاك وهل خطتك نجحت ولا لا. 

طب أنا اعرف ازاي إذا البلان نجحت ولا لا يا ميديستا؟

ببساطة خالص، البلان حققت أهدافها يبقى نجحت محققتش أهدافها يبقى نجحت برضوا - اهدي عليا هفهمك - لو البلان حققت أهدافك يبقي خير وبركة وكدا البلان تمام طب لو محققتش اهدافك - إيّاك تُحبط عادي بتحصل مع أجدع الماركتيرز - اعتبر نفسك في الخطوة الخمسة وانك كنت بـ Test .

5-Testing 

إنت في دايرة مغلقة، بتحط بلان عشان تحقق أهداف معينة لو البلان فشلت بتعمل تقييم عشان تعرف فشلت ليه وترجع تصحح أخطائك وتحسن المشاكل اللي وقعت فيها وتمر بنفس الخطوات اللي فوق تاني.

لو وصلت لهنا فقولنا عشان نتأكد اننا حطينا بلان مظبوطه وسمعناك كويس وياترى بتطبق الخطوات دي في شغلك ولا لا؟

كتابة: سارة فرحات 

مع تحياتي محمد مجدي 

اخصائي التسويق والتجارة الالكترونية